Grindstop 2014 - Tá heimsáskoðanir bresta saman

Sunnudagin 2. november 2014 kl. 16 verður skipað fyri fyrilestri um grind í Norðuratlantshúsinum í Odense.

 Fyrilestrarhaldari verður Janus á Ryggi. Evnið er orrustan millum umhvørvisfelagskapin Sea Shepherd og Føroyar í summar. Tvídrátturin millum hesi verður settur í eitt altjóða og teoretiskt høpi.

Nakrir av spurningunum, ið Janus á Ryggi setir og møguliga svarar, eru:

• Hvør er søgan handan tvístøðuna?

• Hvalaveiða sum orrusta í altjóða politikki – hvat er sambandi?

• Hvat er serstakt við Sea Sheperd í mun til aðrar umhvørvisfelagskapir?

• Teoretisk perspektiv – hvat snýr tvístøðan seg “veruliga” um?

• Hvussu sær framtíðin út – hvussu leingi heldur stríðið um grindadrápið áfram?

 Janus á Ryggi er MSc í altjóða politikki frá London School of Economics. Í 2010 skrivaði hann masterritgerð um ”retoriska bardagan um hvalaveiðuna í altjóða politikki”.

 Eftir fyrilesturin verður lagt upp til kjak.

 Kostnaðurin er 40 krónur fyri limir og 80 krónur fyri onnur. Goldið verður við dyrnar. Við í prísinum er drekkamunnur.

 Eisini verður møguligt at keypa sær okkurt í altíð bíligu barrini hjá felagnum.

 Øll eru vælkomin.