Nú hava góðar kreftir tikið stig til at gera eitt felags kór fyri føroyingar, íslendingar og grønlendingar, umframt at danir eru eisini vælkomnir.

Eitt líknandi kór hevur sungið í Norðuratlantshúsinum í Odense til ávís høvi, m.a. tá Margretha drotning og Hendrik prinsur vitjaðu í summar.

Føroyingurin Niels Olsen, ið er kórleiðari, sigur, at øll eru vælkomin at syngja, og vónar hann, at nógv koma afturat við í kórið. Umframt hetta, leggur hann eisini dent á, at tað er sera trupult at fáa mannfólk við í kórið, tí sendir hann eina serlig áheitan, um at fáa fleiri at koma við.

Kórið syngur grønlendskar, íslendskar og føroyskar sangir. Kórið syngur fýraraddað. Vant verður í Norðuratlantshúsinum, á Nordatlantisk Promenade 1, Odense C. Kórið venur mikukvøld frá 19.00-21.00. Tað er Norðuratlantshúsið i Odense, sum stendur fyri kórinum.

Kórið er at finna á facebook HER