Aðalfundur 4. mars 2017

Sambært § 4 í viðtøkum felagsins, verður við hesum boða til aðalfund hjá Føroyingafelagið á Fyn.

Felagið skal hava aðalfund hvørt ár í fyrsta kvartali. So nevnd felagsins hevur á nevndarfundi tikið avgerð um, at tann 4. mars 2017 kl. 16.00, verður aðalfundur hildin í Norðuratlantshúsinum í Odense.

Fundarskrá verður sambært § 4 Stk. 7 í viðtøkum felagsins:

  1. Valg af dirigent
  2. Formandsberetning
  3. Fremlæggelse af godkendt regnskab
  4. Indkomne forslag
  5. Valg af bestyrelsesmedlemmer i henhold til § 6
    • Formand
    • 2 bestyrelsesmedlemmer
  6. Øvrige valg i henhold til § 6
    • 2 bestyrelsessuppleanter
    • 1 revisor
    • 1 revisorsuppleant
  7. Fastsættelse af kontingent for kommende år
  8. Eventuelt

Sambært § 4 Stk. 11 skulu øll uppskot, ið ynskjast viðgjørd á aðalfundinum, verða handað nevndini í seinasta lagi tíggju dagar áðrenn fundin, t.v.s. tann 22. februar 2017.

Fyri at sleppa at atkvøða til aðalfundin, umframt at stilla upp til val, skal ein hava goldið limagjaldið fyri 2017 áðrenn aðalfundin, umframt at eisini møta persónliga til fundin. Ein kann tó stilla upp uttan at verða tilstaðar, við at handa formanninum eina fullmakt áðrenn fundin.

Tey, sum ivast um tey eru limir, kunnu senda ein teldupost til This email address is being protected from spambots. You need JavaScript enabled to view it. og spyrja.

Tey, ið ikki hava endurnýggjað sín limaskap, tríggjar mánaðar eftir ein aðalfund, verða strikað sum limir.

Viðtøkur felagsins eru at finna HER og limur kann ein gerast HER

Kunnandi fundur um rógving

So nærkast tíðin aftur, til at róðrarbáturin Sleipnir aftur kann flotast, og høvi verður fyri at rógva á Odensekanal.

 Leygarkvøldið, tann 11. februar kl. 18.30, verður kunnandi fundur fyri áhugaðar rógvarar. Aftaná er pub-quiz fyri øll, ið hava hug at luttaka.

 Á fundinum verður møguligt, at fáa meira at vita um Róðrarfelagið Sleipnir og rógvingina í Odense, eins og at møguligar bátsmanningar kunnu gerast.

 Men liggur ikki fyri, at koma við á fundin, ber til at senda ein teldupost til This email address is being protected from spambots. You need JavaScript enabled to view it., um ein hevur spurningar um rógvingina.

 Roknast kann við, at fundurin varðar ein hálvan tíma, og aftaná verður ársins fyrsta Pub-Quiz á skránni. Hetta er eitt gott høvi, at koma burtur frá lesnaðinum og øðrum, ið kann verða streingjandi, og ístaðin njóta eina hugnaliga løtu, saman við kendum og ókendum fólki.

 So takið tey nærmastu í hondina og kom upp á 2. hædd í Norðuratlantshúsinum í Odense, og roynið tykkum í almennari vitan, vinningar verða til tey bestu í hvørjum umfari. Tað verður eisini møguligt, at keypa kaffi, te, øl, sodavatn o.a. frá barr felagsins.

 Tað er ikki loyvt at hava egnar drykkjuvørur við til tiltakið. Tikið verður heldur ikki ímóti gjaldskortum. Men Mobile-Pay verður møguligt.

 Øll eru hjartaliga vælkomin, føroyingar og føroyavinir.

 Møguleiki verður eisini fyri, at spurningarnir verða lisnir upp á donskum, so at skilja føroyskt er ikki eitt krav.

Minnist til limagjaldið fyri 2017

Sambært § 3 stk. 3 í viðtøkum felagsins, er limaárið kalendaraárið, so tíðin er komin til at gjalda limagjaldið fyri 2017.

 Árliga limagjaldið, ið bert er 100 kr., verður goldið við at flyta peningin á konto nr. 5388-244672 í Arbejdernes Landsbank. Minnist til at viðmerkja navn títt á flytingina.

 Hevur tú enn ikki tilmeldað teg sum lim, so gerst tað við at útfylla oyðublaðið HER umframt at flyta peningin.

 Ágóðar fyri at verða limur, umframt at stuðla felagnum, eru:

  • Kostnaðurin fyri ymsu tiltøkini er munandi lægri, enn hjá ikki limum
  • Kostnaðurin á tí, ið barrin selur, m.a. øl, kaffi og kaka, er lægri, enn hjá ikki limum
  • Einans limir kunnu atkvøða á aðalfundum felagsins, umframt eisini stilla upp til nevndarval

Fleiri greinar ...

Stuðlar hjá Føroyingafelagnum á Fyn